تحسين الأشرم
عدد الرسائل : 1070 تاريخ الميلاد : 26/10/1964 العمر : 59 السٌّمعَة : 21
| موضوع: في ناس مسكين مايو 26th 2011, 23:53 | |
| في ناس مساكين بقالها سنين لا هم اموات ولا عايشين جروح والام حلال وحرام دموع وبقايا بني ادميين وناس عيانه من غير عيه وناس مدفونه بالحياة وبين بره وبين جوه يدوبك سور دخلت اسال واطقس كأني بزور لقيت عالم شمال ويمين وناس عايشين ولا المساكين سألت انا فين قالولــــــــــــــــــــي مستشفى المجانين قابلت حالات وشوفت حاجات تهز القلب من جوه وراجل مسكين فوق السبعين يا عيني لا حول ولا قوه ولاده اللي كبرهم شيطان الماده غيرهم رفعوا عليه قضية حجر تعالوا يا ناس وشوفوا الفجر ولما عقلوا ماستحملش صبح قاعد وحيد وحزين وبقى واحد من المجانين دخلت عنبر الحريمات قابلت ست قد ( امي ) في عينها دموع ايه الموضوع لقيت موضوعها زاد همي قالتلي ابني شردني واخد الشقه وطردني رماها يا ناس في عز البرد ونامت عل الرصيف والارض كانوا المجانين عليها احن واهي معاهم بقالها سنين هياخد منها ايه يوم الدين وفجأه لقيت قصادي انسان قالولي ده كان صاحب عزوه ومال ونفوذ صبح منبوذ وكله ضاع عشان نذوه عشق بنت في مقام بنته عشانها باع اللي حلتوا ولما ضاع ولا مالقاش حل ومد ايديه يا ناس واتذل فقد عقله وعجز واتشل واهو مرمي بقاله سنين وتاه عقله مع التايهين سمعت هناك ورا الشباك صريخ من بنت حابسينها خاطيبها كان زين الشبان لكن قتلوه قصاد عينها خمس شبان من سنه وحاولوا يخطفوها منه دافع عنها وماعهوش حد وطبعا هما كانوا اشد ولما دمه ساح عل الارض بقت تلطم على الخدين بقت تصرخ شمال ويمين مشيت قدام سمعت كلام تعبني وشل تفكيري وشاب حزين لكن مسكين بيضحك ضحك هستيري ده كان عنده ياناس طفله راحت من ايده على غفله خطفها واغتصبها ندل وكملها بجريمة قتل ومهما خد بطارها العدل ده هيفيده بايه المسكين جاي للظالم ده يوم الدين في ناس يا ناس بتأذي الناس تحس بمتعه وبلذه لا هم عاقلين ولا مجانين دي خلق مريضه او شاذه بقينا في منتها القسوه في دنيا فانيه ولا تسوى وضاع من خلاص الحق وعايشين للحسد والنق بقينا فانجرية بوق وفي الاخر يا بني ادميين بنتريق على المجانين منقول | |
|